إعلامية شهيرة تتغزل في حارس منتخب المغرب على الهواء.. وتحذر المعجبات: أنا بحملكم مسؤولية أي حاجة تحصل له!

تحدثت الإعلامية ياسمين عز، خلال حلقة في برنامجها “كلام الناس” عن ياسين بونو، حارس المنتخب المغربي، قائلة: “نداء وطلب بسيط من حبايبي وحبيباتي بعض البنات.. اللي مقطعين نفسهم على الحارس المتألق ياسين بونو بقالهم كام يوم الحالة مش طبيعية.”

وتابعت:” سيبوا الراجل يركز في شغله يا جماعة.. مش كده يا جماعة.. أيوه الولد وسيم وجان ما شاء الله طول بعرض ويستاهل ياخد لقب رجل كأس العالم كله مش رجل ماتش امبارح بس ولكن الراجل مرتبط ومتجوز ومخلف”.

وأضافت: “فأرجوكم يا جماعة سيبوا الراجل في حاله.. واللي أعرفه برضه أو اللي كلنا عارفينه ولو انتوا ما تعرفوش أنا بقولكوا إنه بيحب مراته وبيموت فيها فعيب يا جماعة وما يصحش الكلام اللي انتوا عمالين تكتبوه والرسايل اللي عمالين تبعتوها له أو لمراته.. هتقولولي عرفتي إزاي؟ عرفت.. عرفت إنكم بتبعتوله وبتبعتوا لمراته”.

وواصلت: “فأنا بحملكم مسئولية أي حاجة تحصل مع ياسين بونو الماتش الجاي وبعدين مبابي ما بيرحمش.. سيبوه يركز وادعوا له ربنا يوفقه في الملعب إن شاء الله وبره الملعب ومع زوجته الجميلة إيمان.. ومش معنى إن زوجته بقالها 4 سنين ما نزلتش أي صورة ليهم على انستجرام أو على أي موقع من مواقع السوشيال ميديا إن هي مش بتحبه والكلام ده يا سيدي يمكن نجمه خفيف وبتخاف عليه من الحسد.. يمكن الست بتخاف جوزها يتحسد فنتعلم منها اتعلموا منها بدل ما تتنمروا عليها”.